باسل النجار = الرياض في الجمعة 20 يناير 2023 11:26 صباحاً - قامت الفنانة الجميلة لوسى، بالتعليق على الاتهامات التى وُجهت لها من أبطال مسرحية الحفيد ، بخصوص تعديها بالضرب على أحد زملائها بالعمل أثناء العرض المسرحى على خشبة المسرح القومى أمام الجمهور، حيث أكدت الفنانة على أنها لم تفعل هذا الأمر، وأنها هى من تعرضت للتنمر والسخرية من بعضهم أمام الجمهور

وأوضحت الفنانة، من خلال تصريحات تليفزيونية وقالت:ـ المسرح مليان كاميرات وأنا ست متربية، وأعى جيداً يعنى إيه كلمة إلتزام، ولو فى شخص قل أدبه عليا مش برد الإساءة بالإساءة أبداً، وكل دى اتهامات فارغة ليس لها أى أساس من الصحة، وتقريباً فى حد عاوز يلمع نفسه ويستغل إسمى، وده علشان أنا حفرت فى الصخر عشان أوصل للى أنا فيه دلوقتى

وأضافت الفنانة:ـ بجد أنا بدعم الشباب، واتعاملت معاهم كـ أُم وأُخت وصديقة ليهم، ولكن إتعرضت للإهانة من زملائى المشاركين ليا فى العرض، وأنا احتراماً للجمهور اللى جاى علشانى، وأنا إتعرضت للإهانة والتنمر ومش ممكن هسيب حقى أبداً

وتابعت لوسى:ـ حقيقى أنا مضربتش حد بره سياق العمل، وده علشان أنا بحترم نفسى وبحب أكسب إحترام الآخرين، وفى إيماءات حصلت من ورا ضهرى على المسرح، وأحد الأشخاص اللى حضروا أعلمنى بما حدث، وأنا مش حابه أتخانق علشان هما عاوزنى أقعد معاهم وأرغى

ومن جانبه، فقد قام الفنان تامر فرج بالرد على تصريحات الفنانة من خلال مداخلة هاتفية أُخرى، وعلق قائلاً:ـ بجد بضحك من كل قلبى، وده علشان الكلام نفسه أى عقل رشيد هيقدر يفهمه ويميزه، ويعنى إيه إحنا بنعمل كل ده؟.. علشان عاوزنها تقعد معانا ونضحك ونقول هاهاها؟