الثلاثاء 19 أبريل 2022 02:50 مساءً - قامت المطربة ليلى غفران بالكشف عن العديد من التفاصيل التي توجد في حياتها الشخصية، وقالت “بحب أقعد ألعب مع أحفادي من بنتي نغم، وبتحول معاهم إلى طفلة، وبحب أقيس ذكاءهم من خلال العديد من الألعاب”.

ليلى غفران تكشف عن ما تركته لها ابنتها المقتولة هبة

وتحدثت ليلى غفران أثناء لقائها في برنامج “كلام الناس” الذي يبث على قناة “إم بي سي مصر”، قائلة “صورة بنتي هبة، الله يرحمها محتفظة بيها في الشنطة ومبتفارقنيش بس دايمًا بتكلم عليها كأنها موجودة.. مبقدرش أسمع صوتها في التسجيلات الموجودة ليها على الموبايل لكن سبحان الله أنا دايما أحس أنها عايشة معايا”.

زيجات ليلى غفران غيري موفقة

وأضافت ليلى غفران قائلة “كان نفسي أجيب عيال من غير جواز لأن كل زيجاتي غير موفقة، وعشان أنا طيبة زيادة عن اللزوم مكنش فيه نجاح لزيجاتي، خلال زيجاتي مكنتش بحب الغلط وكنت أتغاضى مرة واتنين ولكن بعد كده مبسكتش، وتعرضت للخيانة من وريا وشوفت بعيني كمان، وفيه خيانة سامحت ولكن مقدرتش استحمل من جوايا”.

عدد زيجات ليلى غفران

وقالت ليلى غفران عن زيجاتها “تزوجت 5 مرات بس منهم جوازات باعتبارهم مش جوازات لأنها عدت مرور الكرام، ومن كتر جوازاتي نسيت أسامي اللى اتجوزتهم، والست المغربية قادرة تتأقلم مع كل الظروف والأحوال سواء ربة منزل أو عاملة أو زوجة أو صديقة وناجحة في كل شيء”.